HALEBÇE

merg uw durmendı

çırrê ni omıbı zê a rwej bye aheng

zılm uw warmendı

çırrê ni vyert-bı rra zê a rwej bye veng

* 

ni yo gazıni

ni ju qijini

ni yo hewar

zê çarrçevayêkê fotoğrafêk

cemıdya ju gom'ıd cuyon ma'r

*

perpıtyê u bi tabi ew hal'y 

a gav ma pyeru

bı cini u bı comyerd

bı kalon u bı qıjon

nefes ma'r bı jarr

* 

her çi ju gavıd bı u vyert

zê yariyêka ttal

la ma kotiy dınyawa bye perwa vir

bad u bad iy serran u sal

* 

çê ju çımêk nidi kılini yê ma

bye ju objektifêka bılur

çê ju goeşêk ni eşnawıt nalini yê ma

bye asiman uw dur

hemı cemıdyê çarçeva yê ew fotoğraf'ıd

ze ug ma qet ni amêbi ına dınyawa zur

*

ni zi çıkes berma meyitan iy ma ser'ıd

bı şin u bı zari u bı zzurr

bad u bad iy zemanan encax ma kotiy;

era vir iy dınyawa bye aar u mızzurr