SEKMÛN SEYFÎ

SEKMÛN SEYFÎ

Mîyalanê Guevdere ra bi.
Şerê 1925î de pa şêx Şerîf a, eştbi serê Pali û Xarpêti.
Bacê veciyabi koyan ma ser.
1927î de pa 300 çekdaran û qican a şibi Bİnxet.
Selahadîn Hayûn wezaretîyê teberî de xebetiyeynî.
Serrê 1977î de amebi dewê xu Mîyalan.
Ma çend kurdperwer zî Çolîg ra şîbîyî zîyaretê ey.
Homa kemaney nêdo, gelek dewicî amey qey ma wa.
Ma galgaleke weşik napîyera.
Xal Sekmûn ageyra û ma ra va ke:
"Hela ke ma şînî Binxetê,
Deştê Dîyarbekir de 2 teyare Çêlbîrûn de amey ma ser.
Guleyî xu varnayî, bombeyê xu teqnayî ma ser û şîyî.
Ez kiftê xu ra bîya darbije.
3 embazî ma şehîd bîyî, çend embaz zî bîyî darbije.
Xarpêt şîyayîş û Binxet de zî, mi zaf çî dî û vîyarnaybî.
Eke perse bibo, ez eşkenî cewabê şima bidî."
Siracê Evdilhamîdî, Xetîbê Qasimî, Fayîkê Eşrefî,
Necmedînê Sidiqî û ez Ehmedê Dirihî ma heme pîya bîyî.
Ma mîyan re kesekê zanaye çinêbi ke, persek biperso.
Ez nika vana; "werekena, ewro xal Sekmûn mi vera bîn.
Mi tira hezaran çî pers bikerdên ! "

Ehmed Dirihinin 2015 Ocak ayi facebook sayfasindan alintidir.